Чирмешән районы мәктәпләрендә “Соңгы кыңгырау“ бәйрәме узды

Шулай итеп тагын бер уку елы артта калды. Кайбер нәтиҗәләр инде билгеле дә, алда әле 9нчы һәм 11нче сыйныфлар укучыларына чыгарылыш имтиханнары тапшырасы бар. Аларга уңышлар, түземлек телибез. Ә калганнарга, мәктәптә эшләрен төгәлләп, рәхәтләнеп ял итәргә, киләсе уку елын исән-сау башларга язсын.

Сүз уңаенда. Быел районда урта мәктәпне 11 классны- 108 (былтыр 141 иде), 9 классны 249 укучы (былтыр 243 булган) тәмамлый. Беренче классларга 150ләп сабый укырга керер дип көтелә. Быел, бу уку елында мәктәпләрдә 2255 укучы белем алды.

"Соңгы кыңгырау" бәйрәмен Чирмешән лицеенда да тантаналы төстә билгеләп үттеләр. Биредәге бәйрәмдә муниңипаль район башлыгы Фердинат Дәүләтшин да катнашты һәм тәбрикләүләрен ирештерде.