Районда мәктәпкәчә белем бирүче 27 оешмада 759 бала тәрбияләнә.

19 балалар бакчасы, җиде мәктәптәге мәктәпкәчә төркем һәм бер башлангыч мәктәптәге балалар бакчасы 1010 урынга исәпләнгән.

-Район үзәгендә балалар бакчасында урыннар проблемасы юк, 1,5 яше тулган барлык балалар да бакчаларга урнаштырылды, - ди район мәгариф бүлегенең мәктәпкәчә белем бирү буенча методисты Диләрә Мәгъсумова. -Бары Иске Элмәле авылында гына урын белән проблема бар, биредә 3 яше тулган өч сабый чират көтә, 1,5 яшьлекләр дә күп.

Иске Элмәле балалар бакчасында әле капиталь ремонт бара. Кармыш балалар бакчасы да ремонттан соң әле ишекләрен ачмаган.

Районда иң зур балалар бакчасы - "Ромашка"га алты төркемгә 114 сабый йөри, ул 120 урынга исәпләнгән. "Ландыш"та дүрт төркемдә - 94, "Әкият" бакчасында 75 бала тәрбияләнә. Ә менә Утыз Имән мәктәбенең мәктәпкәчә төркеменә нибары, ике сабый йөри. Түбән Кармалкада - 4, Югары Кармалкада бакчада 5 бала тәрбияләнә.

Безнең сайтта укыгыз:

Айгөл Бариева: Улымның тискәре рольдә уйнавын кабул итү бик авыр булды

http://www.nashcheremshan.ru/tt/the-news-tat/item/17228