Чирмешәндә яшәүче ир-ат җир астыннан акча тапкан һәм суд эскәмиясенә эләккән

Чирмешәндә яшәүче 38 яшьлек ир-атка, әтисенең акчасын урлаган өчен штраф җәзасы биргәннәр.

Урланган акча да аз түгел - 95 мең сум. Аларны пенсионер бабай банкага салып, агач астында аулак урынга күмеп куйган. Тик беркайда эшләмәүче Виктор Ивлев хәзинәне җир астыннан да табып ала һәм акчаларны үз кирәгенчә туздыра.

Бу хәл фаш ителгәч, Виктор үз гаебен таный, үкенә, тик җәзадан котыла алмый. Аның сәламәтлеген (ул 2нче төркем инвалид), китергән зыянны өлешчә кайтаруын һәм зыян күрүченең-әтисенең теләген исәпкә алып, аңа дәүләт файдасына 7000 күләмендә штраф бирелгән. Район суды шундый хөкем карары чыгарган.