Чирмешәндә һәм Иске Котышта пенсионерлар алдакчылар "тозагына" эләгә язганнар

Соңгы вакытларда районда пенсионерларны алдарга маташу очраклары ешайган.

Иске Котышта һәм Чирмешәндә яшәүче берничә пенсионерга, кәрәзле телефоннарына шалтыратып, үзләрен Казанда Пенсия фондында эшләүчеләр дип таныштырганнар һәм пенсия картагызга өстәмә акча күчерәбез дип, банк картасының номерын сораганнар. Ярый әле уяу пенсионерлар мошенникларга мәгълүмат бирмәгәннәр.

-Мондый шалтыратулар башкаларга да булырга мөмкин, - ди РФ Пенсия фондының район идарәсе начальнигы Гөлфия Гыймранова. - Райондагы пенсионерларга акчаны Казаннан түгел, без күчерәбез, сез банк картасының номерын да, пин-кодын да беркемгә дә әйтмәгез, ялгышып, алдакчылар "кармагына" эләкмәгез.