Чирмешән районында республика прокуроры гражданнарны кабул итте

Татарстан Республика прокуроры Илдус Нәфыйков эш визиты белән безнең районда булды һәм район прокуратурасы бинасында гражданнарны кабул итте.

Күзәтчелек ведомствосы җитәкчесенә дүрт райондашыбыз килеп, вакытында хезмәт хакын түләмәү, дәүләт күзәтү органарының һәм контрагентларның сөт сату буенча килешүләр өлкәсендә эшчәнлекләре буенча зар белдерделәр.

Барлык мөрәҗәгать итүчеләрдән язма рәвештә гаризлар алынган. Өч мәсьәлә буенча тикшерүне Илдус Нәфыйков район прокурорына йөкләде, берсен республика прокуратурасының үзәк аппараты тикшерәчәк.

Барлык мөрәҗәгатьләрне карауның барышы шулай ук республика прокурорының шәхси контроленә алынды.

Марата Гумеров фотосы

Безнең сайтта укыгыз: Чирмешәндәге әбиләр һәм бабайлар бүлмәләрендә жалюзилар куелачак