Игътибар: бездә яңа фотобәйге - “Яңа ел – тылсымлы бәйрәм”

"Безнең Чирмешән" район газетасы редакциясе "Яңа ел - тылсымлы бәйрәм" дигән яңа фотобәйге игълан итә.

Ул 11 декабрьдән 20 гыйнварга кадәр узачак. Бәйгегә 2018 елның 25 гыйнварында йомгак ясалачак.

Сездән Яңа елга багышланган (Кыш бабай, Кар кызы, кар сыннары, территорияләрнең бизәлеше, Яңа елны каршы алу, гореф - гадәтләр һәм башкалар) фоторәсемнәр көтеп калабыз. Бер кешедән бер сыйфатлы фото кабул ителә.

Безнең конкурста Чирмешән районында яшәүче теләсә кем катнаша ала, яшь буенча да чикләү юк.

Фоторәсемнәрне редакциянең электрон адресына verstka07@list.ru җибәрергә яисә редакциягә (Чирмешән, Беренче май урамы, 27нче йорт) китерергә мөмкин.

Тавыш бирү формасы һәм нәтиҗәләр игълан итү вакыты турында соңрак хәбәр итәрбез.

Бәйге турында барлык мәгълүмат "Безнең Чирмешән" газетасы сайтында һәм "ВКонтакте" челтәрендә газетаның шәхси битендә булачак.

Җиңүчеләр тавыш бирү нәтиҗәсендә ачыкланачак.

Кадыйр Гомәров фотосы