Яңа күргәзмә ачылды

Мемориаль үзәктә яңа күргәзмә ачылды. Ул якташыбыз - Чирмешәндә Совет властена нигез салучыларның берсе - Павел Арютинга багышланган.

Бу күргәзмә Бөек Октябрь социалистик революциясенең 95 еллыгы уңаеннан да оештырылган.

Павел Васильевич 1904-нче елны Чирмешәндә туа, район тарихына, үсешенә зур өлеш кертә. Ул төрле җитәкче урыннарда хезмәт куйган. Якташыбыз актив тормыш алып бара, 30нчы елларда ук, 27 яшендә партия райкомының бюро әгъзасы булып сайлана. Павел Васильевич фотога төшерү белән дә мавыга. Күргәзмәдә ул ясаган фоторәсемнәр һәм 100гә якын документ та урын алган.