Безнең якташлар
Утыз Имән хат ташучысы көненә 10 километр юл үтә
Әлеге авылның элемтә бүлекчәсе агымдагы елның икенче яртыеллыгына газета - журналларга яздыру планын 50 процентка үтәгән дә. -Район газетасына ташламалы бәядән язылучылар күп булды, - ди бүлекчә мөдире, шул ук вакытта хат ташучы эшен дә башкаручы Мөнирә Шакирова. - "Безнең Чирмешән"гә 100дән артык заказ карточкасы тутырылган. Авылдашларыбыз "Ватаным Татарстан", "Ирек...
Әлеге авылның элемтә бүлекчәсе агымдагы елның икенче яртыеллыгына газета - журналларга яздыру планын 50 процентка үтәгән дә.
-Район газетасына ташламалы бәядән язылучылар күп булды, - ди бүлекчә мөдире, шул ук вакытта хат ташучы эшен дә башкаручы Мөнирә Шакирова. - "Безнең Чирмешән"гә 100дән артык заказ карточкасы тутырылган. Авылдашларыбыз "Ватаным Татарстан", "Ирек мәйданы", "Акчарлак" газеталарын да яратып укыйлар. Кайбер гаиләләр берничә басмага языла. Әйтик, Илдар Минвәлиев ел саен 9 - 10 газета - журналга заказ карточкасы тутыра. Әмил Фәтыйхов, Фәридә Мәгъсумовалар да матбугат басмаларын күп алдыралар.
Бүлекчә мөдире Кызыл Чишмә халкына хезмәт күрсәтә, ә Утыз Имәннең үзендә почтаны Зөлфия Мортазина һәм Илсөяр Гатауллиналар тарата. Икесе дә тәҗрибәле, тырыш хезмәткәрләр.
-Газета - журналларны көн саен таратабыз, - ди Зөлфия Мортазина.- Авылдашлар почта килгәнен көтеп торалар. Әле бераз соңга кала башласаң, шалтырата да башлыйлар. 100 дән артык йортны әйләнеп чыгарга туры килә, санап чыгарсаң, көн саен 10 километрдан артык ара үтелә.
Автор фотосы.
Следите за самым важным и интересным в Telegram-каналеТатмедиа
Нет комментариев