Әмир авылында яшәүче Латыйп абый район газетасын укыячак

Районның инвалидлар оешмасы да "Якыннарыңны яздыр!" акциясенә кушылды.

- Әмир авылында яшәүче Латыйп Насыйбуллинны агымдагы елның икенче яртыеллыгына район газетасына яздырган идек инде, - ди җәмгыять рәисе Мәдинә Талипова. - Ул элек матбугат басмалары алдырмаган, ләкин кулына газета эләксә укымыйча калмый. Берәр кызыграк язмага юлыкса, "кара әле, нәрсә язганнар бит",- дип күршеләргә дә әйтә иде. Кызыксынуын күргәч, аңа шундый бүләк ясарга булдык.

Инвалидлар декадасы кысаларында, әлеге җәмгыять Латыйп абыйны 2018 елның беренче яртыеллыгына да район газетасына яздырган. Сүз уңаеннан, җәмгыять ялгыз, мохтаҗлыкта яшәүче Латыйп абыйның салым буенча былтыргы бурычын да каплаган.

Автор фотосы