Кармыштан Гыймадиевлар гаиләсе "Безнең Чирмешән" газетасының бүләгенә лаек булды

Район газетасы редакциясе оештырган чираттагы фотобәйгедә Кармыштан Гыймадиевлар гаиләсе җиңде.

Әлеге бәйге таләпләре буенча, газетаның электрон адресына, "Чирмешән районының иң тату гаиләсе" темасына фоторәсем җибәрергә кирәк иде. Анда байтак эш килде, араларында Гыймадиевлар фоторәсеме иң яхшы дип табылды.

-Без, чыннан да, бик тату яшибез. Әтиебез Илфат - янгын сүндерүче, әниебезгә өйдә дә эш күп, - диләр Гыймадиевларның өлкән кызлары - 9нчы классны тәмамлаган Гөлназ, быел 8нче класска барачак игезәкләр Алия һәм Алинә.

Гыймадиевларга район Сабан туенда Диплом, истәлек бүләге һәм Яшьләрнең ял итү үзәгендәге кинозалда бушлай 3Д форматындагы фильм карарга сертификат тапшырдык.