Безнең якташлар
Чирмешәндәге картлар йортын Пелагея әби чәчәкләре дә бизи
Чирмешән өлкәннәр һәм инвалидлар йорт-интернатында гомер итүче бу сөйкемле әби сөйли дә алмый, ишетми дә. Үз уй-фикерләрен ул, әйтерсең, үзе бәйләгән чәчәкләргә сала. Пелагея Никоноровна бәйләгән оекбаш, бияләйләрне монда яшәүче әби-бабайлар рәхәтләнеп кия, ди. Оста үзенең кул эшләрен башкаларга бүләк итәргә ярата. Соңгы вакытта мондагы бүлмәләрне ул иҗат иткән чәчәкләр...
Чирмешән өлкәннәр һәм инвалидлар йорт-интернатында гомер итүче бу сөйкемле әби сөйли дә алмый, ишетми дә. Үз уй-фикерләрен ул, әйтерсең, үзе бәйләгән чәчәкләргә сала.
Пелагея Никоноровна бәйләгән оекбаш, бияләйләрне монда яшәүче әби-бабайлар рәхәтләнеп кия, ди. Оста үзенең кул эшләрен башкаларга бүләк итәргә ярата. Соңгы вакытта мондагы бүлмәләрне ул иҗат иткән чәчәкләр дә бизи башлаган.
-Пелагея әбигә җеп кенә җиткер. Чәчәкләрне тиз бәйли ул. Аларны тимерчыбыкларга җыеп букетлар ясарга мин дә булышам әле, - ди мондагы хезмәткәр Сәвия Сәгыйрова.
Тиздән 82 яшен тутырачак Пелагея Бондарева тумышы белән безнең районнан. Әби - Чирмешән картлар йортының "беренче карлыгачы", 1999 елда йорт-интернат ачылган көннән бирле монда яши.
Следите за самым важным и интересным в Telegram-каналеТатмедиа
Нет комментариев