Безнең Чирмешән
  • Рус Тат
  • Чирмешәндә беренче сабый Раштуа бәйрәме көнне туган

    Районыбызда быел беренче бала, көттереп кенә, 7 январь көнне туды. Иске Котыш авылыннан Наталья Нурхамәтова 3 килограмм авырлыктагы кыз тапкан. -Анастасия исемен ирем Александр белән уйлап куйган идек. Кызыбызның Раштуа көнне тууына тагын бер сөендек, - ди инде ике бала әнисе булган Наталья. Гомумән, район үзәк больницасының балалар тудыру бүлеге...

    Районыбызда быел беренче бала, көттереп кенә, 7 январь көнне туды. Иске Котыш авылыннан Наталья Нурхамәтова 3 килограмм авырлыктагы кыз тапкан.

    -Анастасия исемен ирем Александр белән уйлап куйган идек. Кызыбызның Раштуа көнне тууына тагын бер сөендек, - ди инде ике бала әнисе булган Наталья.
    Гомумән, район үзәк больницасының балалар тудыру бүлеге яңа ел каникулларында дүрт балага "баеган". Настядан соң, күршеләребез - Сарабиккол авылыннан Фәйзулловлар гаиләсе 9 январь көнне биредә туган кызларына Азизә исеме кушмакчылар. Иске Котышта теркәлеп, Түбән Камада яшәүче Марина Новикова малай тапкан. Әлегә сабыйның исемен сер итеп тоталар бугай.
    4 килограмм да 250 грамм авырлыктагы баһадирның исеме исә Азат булачак. Аның әнисе - Чирмешәннән Рәзилә Мусина.
    Бала тудыру бүлеге мөдире Ләлә Кашапова әйтүенчә, былтыр безнең "роддом"да 173 бала дөньяга килгән ( 2013 тә - 207).
    Ә быел туган тәүге сабыйларны, аларның әниләрен район башкарма комитеты җитәкчесе урынбасары Әкъдәс Шакиров больницага килеп тәбрикләде һәм аларга бүләкләр тапшырды.
    Автор фотолары.

    Нравится
    Поделиться:
    Комментарии (0)
    Осталось символов: