Безнең Чирмешән
  • Рус Тат
  • Чирмешән студентлары үзгәртеп корылган бинада укыячак

    Нурлат аграр техникумы филиалы бинасында капиталь ремонт бара. Бар да планлаганча барып чыкса, студентлар яңа уку елын төзекләндерелгән уку йортында башлап җибәрәчәк. -Әлегә төзүчеләр янкормада эшли. Казаннан килгән осталар инде 50ләп тәрәзәне алмаштырды, бина эчендә стеналар штукатурлана, - ди филиал директоры Владимир Островский. - Бер бригада түбәне яба башлады. Әлегә...

    Нурлат аграр техникумы филиалы бинасында капиталь ремонт бара. Бар да планлаганча барып чыкса, студентлар яңа уку елын төзекләндерелгән уку йортында башлап җибәрәчәк.

    -Әлегә төзүчеләр янкормада эшли. Казаннан килгән осталар инде 50ләп тәрәзәне алмаштырды, бина эчендә стеналар штукатурлана, - ди филиал директоры Владимир Островский. - Бер бригада түбәне яба башлады. Әлегә студентлар укуларын төп корпуста дәвам итә, алар практикага киткәч, төзүчеләр бинаның бу өлешенә күчәчәк.

    Капиталь ремонт эшләренә республика программасы буенча бюджеттан 40 миллион сум акча бүленгән. Уку йортына җиһазлар - студентларга өйрәнү өчен тренажерлар алуга тагын 14 миллион сум акча каралган.

    Кыскасы, бина эчтән дә, тыштан да яңарачак. Түбә төсле калай белән ябылачак, стеналарны керамзит-гранит плитәләр белән тышлаячаклар. Барлык тәрәзәләр дә пластикка, ишекләр дә өлешчә алмаштырыла, идән һәм түшәм, җылылык системасы һәм электр үткәргечләр дә яңартыла.

    Автор фотосы

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: