Быел да җиңүчеләр арасында

Быел Чирмешән лицеен тәмамлаган Энҗе Рәхмәтуллина "Алтын каләм" республика фестиваленнән тагын җиңү яулап кайткан.

Узган елны Энҗе "Иң яхшы алып баручы" номинациясендә җиңүче дип танылса, быел "Иң яхшы телепрограмма" номинациясендә призлы урынга чыккан. Аның Чирмешән лицеена америка студентлары килүенә багышланган сюжетына югары бәя биргәннәр.

Яшьтән үк журналистика белән кызыксынган якташыбыз киләчәген дә бу һөнәр белән бәйләргә, журналистика факультетына укырга керергә хыяллана. Бүген ул район телевидениесендә тәҗрибә туплый, телепрограммалар әзерли.