Безнең Чирмешән
  • Рус Тат
  • Бәркәтәдә яшәүче Ибраһимовлар солдатлар каршы алалар

    Бәркәтә авылында Ибраһимовлар гаиләсе бу көннәрдә зур шатлык кичерә. Фәридә ханымның олы улы Айрат исән-сау армия хезмәтеннән кайткан, инде икенче улы Айнурны да көтәләр. Үткән елның 25 июнендә туганннары белән хушлашкан Айрат Ибраһимов, нәкъ бер елдан - 29 июньдә туган нигезенә кайтып кергән. Энесе бераз соңрак киткән. Айрат Чирмешәндәге 106нчы...

    Бәркәтә авылында Ибраһимовлар гаиләсе бу көннәрдә зур шатлык кичерә. Фәридә ханымның олы улы Айрат исән-сау армия хезмәтеннән кайткан, инде икенче улы Айнурны да көтәләр.

    Үткән елның 25 июнендә туганннары белән хушлашкан Айрат Ибраһимов, нәкъ бер елдан - 29 июньдә туган нигезенә кайтып кергән. Энесе бераз соңрак киткән.
    Айрат Чирмешәндәге 106нчы һөнәр училищесында эретеп ябыштыручы, тракторчы-машинист һөнәрләре үзләштереп, берничә ел экскаваторда эшли. Хәрби хезмәткә чакыру килгәч, һич икеләнмичә ил алдындагы бурычын үтәргә китә.
    -Армиядә хезмәт итү һәр сәламәт ир-егетнең бурычы дип саныйм, - ди Айрат Ибраһимов. - Мин дә дөнья күреп, күп дуслар табып, физик яктан ныгып кайттым.
    Якташыбыз, кече сержант Хабаровск шәһәрендә инженер-маскировкалау взводында хезмәт итә, анда да экскаваторда эшли. Һөнәрле егетләр гел кирәк, алар бер вакытта да югалмый. Айрат Җәмил улын хезмәттә үзен яхшы яктан күрсәткәне, югары уңышларга ирешкәне һәм үрнәк тәртибе өчен часть командирының Мактау грамотасы белән дә бүләкләгәннәр.
    Айрат туган йортында озак ял итәргә уйламый, аның нияте - һөнәре буенча эшкә урнашу.

    Автор фотосы.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: