Салкыннарга җылыда әзерләнәләр

"Чирмешән районы коммуналь челтәрләре" ачык акционерлык җәмгыяте ягу сезоны тәмамлану белән котельныйларда ремонт башлады.

"Бүген безнең карамактагы үзәк, район үзәк больницасындагы, "Юбилейный" боз сараендагы һәм блок - модульле котельныйда ремонт үткәрәбез, - ди җәмгыять директоры Илнар Минһаҗев. - Өчесендә, нигездә, агымдагы ремонт кына була, казаннарны чистартып, җиһазларның төзеклеген тикшереп, буяу эшләре башкарачакбыз, ә үзәк котельныйда капиталь ремонт кирәк. Биредә тулысынча яңа җиһазлар куела, дүрт казанны да алмаштырачакбыз".