Иске Элмәле авылындагы бер хуҗалыкта мунча янган

Иске Элмәле авылындагы бер хуҗалыкта мунча янган. Ут өйгә янкорма итеп төзелгән мунчадан өй түбәсенә дә күчә һәм аңа зыян сала.

Иртәнге якта чыккан ут казасын сүндерергә Ульяновкадан - бер, Чирмешәннән ике янгын сүндерү машинасы җибәрелгән. Алар килеп җиткәндә, мунчаның эче яна, "кызыл әтәч" өй түбәсенә үрмәли торган була.ъ

-Янгын иртәнге сәгать 9ларда сүндерелде. Ут мунча миче морҗасының төзек булмавы сәбәпле чыккан. Мунча да, өй дә иминиятләштерелмәгән, - ди районның янгын күзәтчелеге өлкән инспекторы Андрей Фомин. - Сүз уңаеннан, быел районыбызда уналты янгын булды, шуларның дүртесенең сәбәбе -мичләр һәм морҗаларның төзексезлеге.

Андрей Фомин фотолары