Чирмешәннең “Кояшлы” лагеры яңа сезонга әзерләнә

"Кояшлы" балалар ял лагерында агымдагы ремонт бара. Биредә кыштан калган чүп - чарны җыештыралар, корпусларны тәртипкә китерәләр.

-Быел монда оешмаларны җәлеп итмибез, - ди муниципаль район башкарма комитеты җитәкчесе урынбасары Рәмзия Долгополова. - Узган елларны корпусларда һәм ашханәдә капиталь ремонт ясалды, спорт мәйданчыгы төзелде. Быел яңа җиһазлар: караватлар һәм тумбочкалар кайтарылды. Дөрес, медицина корпусын ясап бетерәсе бар, әмма смена ачылганчы, анда да эш төгәлләнергә тиеш.

Кыскасы, "Кояшлы"да балаларның ялын тиешле дәрәҗәдә оештыру өчен барлык шартлар да тудырылачак.