Чирмешәндә июльдә туйлар гөрләячәк

Май аенда район ЗАГС бүлегендә бары бер генә гаилә никахларын теркәгән, ә ел башыннан районда 25 яшь гаилә барлыкка килгән, ягъни үткән елның шул чоры белән чагыштырганда 6га кимрәк.

Июнь аенда тагын 9 гаилә никахларын теркәргә җыена.Ә менә июльдә туйларның "пигы" булыр ахры, район ЗАГС бүлегенә бу айда гаилә корырга теләүче 20 пардан гариза кергән. Августка - 9, сентябрьгә 2 пар гариза биргән дә, әле бу саннар тагын артыр, вакыт бар.