Чирмешәндә 07.07.2017дә 4 пар гаилә корырга тели

Яңа өйләнүчешеләр туйларының матур, истәлекле булуын тели. ЗАГС документларында һәм кунаклар өчен чакыруларда да бертөрле саннар ничектер "серле" күренә.

2017нче елда "7"ле шундый берничә көн бар. Беренчесе - 17.02.2017, бу көнне районда бер туй булачак, Урманасты Үтәмештә яшәүче егет Чирмешән кызына өйләнә.

Ә менә 07.07. 2017 - 7 июльгә район ЗАГСына инде дүрт пар гариза биреп куйган да. Өч 7 саны бәхет китермичә калмас, дип ышанучылар бәлки тагын табылыр, вакыт бар әле. Агымдагы елда 7 октябрь дә (07.10.2017) шулай ук гаилә кору өчен уңышлы санала. Бу көнне дә никахларын теркәүчеләр булмый калмас.