Чирмешән урамнарын коммуналь хезмәтләр чистарта

"Чирмешән районы коммуналь челтәрләре" җәмгыятенә коммуналь хезмәтләр өчен махсус эшләнгән өр-яңа- "КамАЗ" машинасы алып кайттылар.

-Юлларны кардан чистарту өчен җайлаштырылган машина ачкычларын безгә республика Президенты Рөстәм Миңнеханов тапшырды, - ди җәмгыять җитәкчесе Рәшит Җамалетдинов.- Республика программасы нигезендә, муниципалитетларга 207 берәмлек техника бирделәр. Бүген Чирмешән урамнарын шушы яңа "КамАЗ" һәм "МТЗ-82" тракторы ярдәмендә кардан чистартабыз. Безнең карамакта барлыгы 66 километр юл, монда Казанка һәм Түбән Чегодай урамнары да кергән. Эш ике сменадаалып барыла.

Коммуналь хезмәт киләчәктә тагын яңа техника алырга планлаган.

minstroy.tatarstan.ru фотосы