Чирмешән Сабан туенда шахматчылар да ярышты

Район Сабан туенда шахматчылар да ярышты. Ирләр арасында 69 яшьлек Самат Ризванов (Утыз Имән), ә хатын - кызлардан 71 яшьлек Римма Баяновага тиңнәр булмады.

Иң яшьләрдән Азал Мостафин (Кукмара) һәм Нурия Габдуллина (Аксубай), 5 - 8 класстагылардан Булат Әхтәмов (Чирмешән лицее) һәм Алсу Беляева (2нче Чирмешән мәктәбе), 9-11 класстагылардан Айдар Могыйзов (Чирмешән лицее) һәм Людмила Редюкова (Яңа Элмәле мәктәбе) җиңүчеләр булдылар, Сабан туе бүләкләре алып киттеләр.

-Бу юлы читтән дә осталар күп иде, җиңү җиңел бирелмәде, - ди ярышның хөкемдары Шамил Сөнчәләев.