Чирмешән районы оешмалары 100 гаиләгә район газетасына подписка бүләк иттеләр

Газета-журналларга икенче яртыеллыкка язылу тәмамланып килә. Бу кампаниядә дә 71 оешма һәм авыл җирлеге 100 гаиләгә бүләк ясады - район газетасына подписка бүләк иттеләр.

Район социаль яклау бүлеге тәкъдим иткән ялгыз әби-бабайларга, аз керемле, күп балалы гаиләләргә киләсе ярты елда "Безнең Чирмешән" газетасын өйләренә китереп бирәчәкләр.

-Яңа Кади авыл җирлеге беренчеләрдән булып ике авылдашын район газетасына яздырды, - ди "Мәрхәмәтле йөрәк" халыкка комплекслы социаль хезмәт күрсәтү үзәге директоры Фирдәвес Морадыймова. - Бу изге эшкә үзәк аптека, балалар сәнгать мәктәбе, район мәгариф бүлеге, район газетасы редакциясе, үзәк китапханә, "Чирмешән коммуналь челтәрләре" хезмәткәрләре дә беренчеләрдән булып үз өлешләрен керттеләр.