Безнең Чирмешән
  • Рус Тат
  • Чирмешән лицеенда яңа уңышка нигез салдылар

    Мәктәпләргә үзләренә җитәрлек күләмдә яшелчә, җиләк-җимеш үстерү бурычы йөкләнде. Яз җитү белән укучылар һәм укытучылар шул мәшәкатькә кереште. Чирмешән лицее да быел чәчүлек мәйданнарын киңәйткән. -Мәктәп янындагы участокка кәбестә һәм кара орлык утырттык, - ди лицей директоры Марат Могыйзов. - Быел да, үткән ел үзебез үстергән суган орлыгын 25 сутыйда...

    Мәктәпләргә үзләренә җитәрлек күләмдә яшелчә, җиләк-җимеш үстерү бурычы йөкләнде. Яз җитү белән укучылар һәм укытучылар шул мәшәкатькә кереште. Чирмешән лицее да быел чәчүлек мәйданнарын киңәйткән.

    -Мәктәп янындагы участокка кәбестә һәм кара орлык утырттык, - ди лицей директоры Марат Могыйзов. - Быел да, үткән ел үзебез үстергән суган орлыгын 25 сутыйда чәчтек.
    Биредә биш сутый җирдә кишер, 10 сутыйда аш чөгендерен туфракка күмдергәннәр. Кабак та укучыларның ашларын төрләндерергә ярап куячак, аны 25 сутыйга ук утыртканнар. Бу яшелчәләр Түбән һәм Югары Чегодайдагы элек буш торган бакчаларда үсәчәк. Ә "икенче икмәк" 50 сутыйда ук игелә. Орлык укучылар һәм укытучылар ярдәме белән туплаганган.
    Яшелчәләрне техник персонал көче белән утыртканнар. Җәйге практикалары вакытында, аларны эшкәртүгә мәктәп укучылары да җәлеп ителәчәк.
    Лицей бакчасында 17 төп яшь алма агачы да бар. Үткән ел алар беренче җимешләрен күрсәткәннәр, быел бәлки авыз итәрлек алмалары да булыр.

    Автор фотосы.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: