Чирмешән кадетлар мәктәп – интернаты 7 тоннадан артык макулатура җыйган

Бирегә Зәйдән килеп укучы кадет - Евгений Володин үзе генә дә 3 тоннадан артык кәгазь калдыклары тапшырган.

Мәктәп-интернат укучылары ел башыннан 7016 килограмм макулатура җыеп тапшырганнар. Ягъни бер укучыга исәпләгәндә уртача 57 килограмм чамасы. Моннан тыш укучылар 100 килограмм пластик шешә һәм 7 килограмм калай банкалар да җыйганнар.

Әлеге икенчел чималның яртысына якыны 9 "б" класс укучысы Евгений Володин тырышлыгы белән тупланган. Зәй районыннан килеп укучы Женяга бу эштә әбисе нык булышкан. Ә Самара өлкәсенең Челны Вершина районы егете - 7 класс укучысы Семен Сурков 2284 килограмм икенчел чимал алып килгән. Аңа да әбисе, аеруча, бабасы нык ярдәм иткәннәр.

-Ел ахырында районда иң күп макулатура җыючы ачыкланачак, укучыларыбыз шуңа тырыша, төп бүләккә өметләнәләр, - ди Чирмешән кадетлар мәктәп-интернаты директоры Рафаэль Сөләйманов.