Чирмешән балалары Дельфинарийга бардылар

Аз тәэмин ителгән гаиләләрдә яшәүче балалар Дельфинарийга бардылар.

ТР буенча Росреестр идарәсенең Чирмешән бүлеге җитәкчесе Ф. Сәйфетдинова ярдәме белән гаиләгә һәм балаларга социаль ярдәм күрсәтү бүлекчәсендә патронатта торучы 11 бала Яр Чаллы шәһәрендәге Дельфинарийга сәяхәт кылдылар. Дельфиннар чыгышын караган, "Макдональс"та сыйланганда Кар кызының Яңа ел тәбрикләүләрен күргән балаларның нинди тәэсирләр белән кайтуларын сүзләр белән генә аңлатып та булмый.

Бүлекчә хезмәткәрләре балаларга Яңа елга онытылмаслык бүләк ясавы өчен Фәридә Флер кызына зур рәхмәт белдерәләр. Шундый изге гамәлләр кылырга әзер мәрхәмәтле, юмарт күңелле райондашларыбыз безгә мөрәҗәгать итсеннәр иде, ди алар.