Беренче урынны яуладык

"Безнең Чирмешән" ("Наш Черемшан") газетасы тагын бер бәйгедә җиңүче булды.

2011 - 2012 елларда РФ Федераль җыелышы Дәүләт Думасы депутатларын һәм Россия Федерациясе Президентын сайлаулар барышын иң яхшы яктырткан өчен, "Сайлаучы һәм аның конституцион хокуклары" номинациясендә республика буенча беренче урынны яуладык. Шул уңайдан Казанда, бәйгене йомгаклау тантанасында, Татарстан Республикасында кеше хокуклары буенча вәкил С.Сабурская редакциягә Рәхмәт хаты тапшырды. Гомумән, әлеге бәйгегә тулаем йөздән артык эш - заявка җибәрелгән.