Югары Кәминкә мәктәбе яңа принтерлы булды

Ул елларда тирә-як авыллардан җыелып белем алган йөзгә якын егет һәм кыз - бүген инде тормышта үз урыннарын тапкан, гаилә корып балалар үстергән, оныклар сөюче, пенсия яшендәге кешеләр. Без, укытучылары, әле дә аларның уңышларына куанып яшибез.

Классташларына һәм укытучыларына мондый бәйрәмне оештыруда Габдерәхим Әхмәтвәлиев башлап йөрде, Госман Вилданов, Халит Билалов һәм Нуриҗан Хөсәеновлар аңа ярдәмгә килделәр.

Сый-нигъмәтләр белән тулы бәйрәм табыны изге догалар уку белән башланып китте. Очрашу кичәсе җыр-биюләргә һәм хатирәләргә дә бай булды. Мәктәп елларының кызыклы вакыйгалар барыбызны да яшьлегебезгә алып кайтты.

Бәйрәм истәлеге итеп, инде әби-бабайлар булган укытучыларына - безгә ак яулыклар бәйләттеләр, түбәтәйләр кидерделәр. Габдерәхим Әхмәтвәлиев туган мәктәбенә дә сюрприз ясады – принтер бүләк итте.

Безне онытмаган өчен, укучыларыбызга зур рәхмәт.

Фәризә Галәүтдинова.

Керкәле авылы.

Кадыйр Гомәров фотосы