Түбән Чегодай авылында игелекле кешеләр күп

1 июньдә Түбән Чегодай авылы өстеннән узган өермә зиратлыкка да зыян салды - мондагы өйчекнең түбәсен алды. Берникадәр вакыттан соң күзем төшсә, исем китте, өйнең түбәсе ябылган, тирәсе тәртипкә китерелгән.

Аны авылдашларыбыз - Хәсән һәм Фәрит Галимовлар, Шамил Фәсхетдинов, өч улы белән - Рафаэль Дәүләтшин, Рөстәм Галимовлар (Түбән Камада яши) материал табыштырып ремонтлап куйганнар икән.

Изге Рамазан аенда изгелек эшләгән егетләргә, барлык авылдашлар исеменнән зур рәхмәт җиткерәбез. Кылган игелекләрегез үзегезгә меңе белән әйләнеп кайтсын. Мондый тәрбияле, тәртипле, юмарт кешеләр күбрәк булсын иде.

Разыя Фәсхетдинова (Латыйпова).

Түбән Чегодай авылы.