Ышаныч кәгазе кирәкми

Чит кеше машинасы белән идарә итәр өчен хәзер ышаныч кәгазе (доверенность) кирәкми.

24 ноябрьдән, Россия Федерациясе хөкүмәте карары нигезендә, юл хәрәкәте кагыйдәләренә үзгәрешләр кертелгән. Хәзер иясе янда булмаган очракта да, машина йөртүче транспорт чарасы белән ышаныч кәгазеннән башка да идарә итә ала.

Полиция хезмәткәрләре дә аны сорарга хокуклы түгел. Шулай да машина йөртүчеләргә чит кеше машинасы белән идарә итү өчен иминият полисы һәм машина документлары булуы мәҗбүри.

Машина йөртүче чит кеше машинасына техник карау үткәртергә, транспорт чарасын теркәргә ниятләсә ышаныч кәгазе дә кирәк була.