Безнең Чирмешән
  • Рус Тат
  • Рөстәм Миңнеханов «Бердәм Россия» партиясе праймеризында катнашты

    ТР Президенты Казанның 116нчы лицеенда оештырылган участокта тавыш бирде.

    (Казан, 26 май, «Татар-информ», Наталья Рыбакова). Бүген Татарстан Президенты Рөстәм Миңнеханов Казанның 116нчы лицеенда оештырылган участокта «Бердәм Россия» партиясе праймеризында катнашты.

    Президент праймеризда катнашу буенча Министрлар Кабинеты вәкилләре, район башлыкларының инициативасын хуплаган.

    Предварительное голосование по определению кандидатур для последующего выдвижения от ТРО ВПП "Единая Россия" кандидатами в депутаты Государственного Совета Республики Татарстан. Принимает участие Президент РТ Р.Н.Минниханов

    "Тавыш бирүнең әлеге формасы, кандидатны сайлауда катнашу яки катнашмау буенча вакыйгаларның алга таба ни рәвешле үсеш кичерүенә дә карамастан, хакимият вәкилләренә чираттагы мәртәбә халык белән очрашу һәм гражданнарны борчый торган мәсьәләләрне кузгату мөмкинлеген бирә. Бу праймериз процедурасында иң мөһиме», - дигән иде Казан Кремленең рәсми вәкиле Лилия Галимова.

    Аның сүзләренчә, ТР Президенты «Бердәм Россия» партиясе вәкилләренең инициативаларына игътибар юнәлтә. Аерым алганда, республикада ишегалларын төзекләндерү идеясе хуплау тапты.

    Шимбә көнне узган киңәшмәдә ТР Президенты республика Хөкүмәтенә бишьеллык программа кабул итәргә йөкләмә бирде һәм гражданнарны әлеге эшкә җәлеп итү кирәклегенә басым ясады. Алдагы 5 ел эчендә барлык ишегаллары да тәртипкә китереләчәк. 

    Предварительное голосование по определению кандидатур для последующего выдвижения от ТРО ВПП "Единая Россия" кандидатами в депутаты Государственного Совета Республики Татарстан. Принимает участие Президент РТ Р.Н.Минниханов

    • Бүген Татарстанда ачылган 460 участокта 1909 участок комиссиясе әгъзасы эшли. Һәр кандидат бюллетеньдә күрсәтелгән берьюлы берничә кандидатка тавыш бирә ала.

    Фото: tatarstan.ru

    Нравится
    Поделиться:
    Комментарии (0)
    Осталось символов: