Лимонлап... юыгыз!
* Кухнядагы агач һәм пластик такталардагы тапларны лимон ярдәмендә бетерергә була. Моның өчен лимонны урталай бүлеп, суын такта өстенә агызырга һәм 20 минут тотарга кирәк. Аннан инде, әлбәттә, чайкап куярга.
* Кер салып юа торган капчыкларны, савыт-саба юа торган машинада төрле вак-төякне (мәсәлән, баланың сөт эчә торган шешәсен) юу өчен дә лимон сутын кулланырга мөмкин. * Абажуры трикотаждан эшләнгән лампагыз бармы? Аңа кунган тузанны җыеп алу өчен кием-салым чистарта торган ролик бик җайлы.
* Көзгегә балагыз ябыштырган наклейканы ничек куптарып алырга белмисезме? Өстенә майонез сылагыз, ә аннан эластик шпатель белән алыгыз.
* Бакырдан эшләнгән әйберләрне чистарту өчен уксус, тоз, онны бер күләмдә алыгыз һәм йомшак чүпрәк ярдәмендә шушы әзер “ботка” белән бакыр савыт-сабаның өстен чистартыгыз. Су белән чайкагач, корытып сөртегез.
* Лимон суты агарткычны алыштыра ала. Кер юганда суга ярты чынаяк лимон суты кушарга кирәк.
* Банкага сеңгән ис бетмиме? Җылы суга бер чәй кашыгы горчица кушып юыгыз.
Фото kiziltan.ru
Следите за самым важным и интересным в Telegram-каналеТатмедиа
Нет комментариев