Көзге каникуллар вакытында юлларда сак булыйк

30 октябрьдән 5 ноябрьгә кадәр район территориясендә "Көзге каникуллар" оператив-профилактик чарасы үткәрелә. Ул укучылар катнашында килеп чыккан юл һәлакәтләрен кисәтү, юл хәрәкәте иминлеген тәэмин итү максатында оештырыла.

-Көзге каникулларга бәйле рәвештә мәктәп укучылары белән очрашулар үткәрәбез, балаларга юлда үзеңне сак тотарга кирәклеге, юлда йөрү кагыйдәләре турында сөйлибез,- ди ЮХИДИ инспекторы Рәмис Шәкүров. -Балалар бакчалары, мәктәпләр яныннан узганда тиеш­ле тизлекне сакламаучылар, балалар утыргычлары белән җиһазландырылмаган машиналарда хәрәкәт итүчеләргә контроль аеруча зур. Шулай ук җәяүлеләр юлында балаларны уздырмаучы шоферларга, юл йөрү кагыйдәдәрен бозган балаларга да таләпләр катгый.

"Көзге каникуллар" чарасы вакытында инспекторлар юл кагыйдәләрен бозучы балаларны ачыклау буенча рейдлар да уздыра.

Марат Гомәров фотосы

Безнең сайтта укыгыз:

Тинчурин театрында Чирмешән халкы бәйрәм ясый

http://www.nashcheremshan.ru/tt/component/k2/item/17958