Иминият кертемнәрен түләргә онытмагыз

Пенсия фондының район идарәсендә үз эшен башлаган 400 иминиятләнүче исәптә тора, аларга 31 декабрьгә кадәр иминият кертемнәрен түләп бетерергә кирәк.

Үз эше булучылар категориясенә башка физик затларга акчалата яки башка төрле юллар белән түләүләр ясамаучы - шәхси эшмәкәрләр, крестьян-фермер хуҗалыгы башлыклары, адвокатлар, нотариуслар керә. Иминият кертемнәрен алар иминият елы бәясеннән, ел башыннан федераль закон тарафыннан билгеләнгән минималь хезмәт хакыннан чыгып түлиләр. 2012 елда иминиятләү елы бәясе 17208,26 сум тәшкил итте. Бу сумманы якын арада түләргә кирәк. Билгеләнгән вакытта түләмәсәң, пени санала.

Түләү өчен квитанцияне Пенсия фондының район идарәсеннән яки фондның рәсми сайтыннан алырга мөмкин - www.pfrt.ru