Безнең Чирмешән
  • Рус Тат
  • Хайваннарны чебен-черкидән саклау өчен

    Терлекләрне көтүлекләрдә йөртү чорында хайваннарны кан суыра торган бөҗәкләр - чебен-черкиләр, кигәвеннәр, сукыр кигәвеннәр бик тинтерәтә. Шуның нәтиҗәсендә 20-30 процентка савым азая, яшь малларның үсеше, симертелүдәгеләренең артымы кими. Ветеринария белгечләре әйтүенчә, бөҗәкләрнең күп төре авыл хуҗалыгы терлекләренең йогышлы һәм инвазион чирләрен (түләмә, сальмонеллез, телязион) күчерүчеләр булып торалар. -Көтүлектә чакта хайваннарны...

    Терлекләрне көтүлекләрдә йөртү чорында хайваннарны кан суыра торган бөҗәкләр - чебен-черкиләр, кигәвеннәр, сукыр кигәвеннәр бик тинтерәтә. Шуның нәтиҗәсендә 20-30 процентка савым азая, яшь малларның үсеше, симертелүдәгеләренең артымы кими.

    Ветеринария белгечләре әйтүенчә, бөҗәкләрнең күп төре авыл хуҗалыгы терлекләренең йогышлы һәм инвазион чирләрен (түләмә, сальмонеллез, телязион) күчерүчеләр булып торалар.
    -Көтүлектә чакта хайваннарны бөҗәкләрдән саклауны тәэмин итәргә кирәк, - ди район дәүләт ветеринария берләшмәсе начальнигы Таһир Гыйниятуллин. - Кисәтү чаралары түбәндәгеләр: җәйге лагерь һәм көтүлек өчен коры, төрле яклап җилләндерелүче участокларны сайлау, навеслар ясау, малларны төнлә көтү, көндез яңа чабылган печән ашату. Хайваннарны чебен-черкидән саклауның нәтиҗәле ысулы - аларның тиресен инсектицидлар белән эшкәртү. Әлеге препаратларның тәэсир итү көче бер көннән җитмеш көнгә кадәр, ә кайберләренең бер тапкыр эшкәрткәннән соң да 28 тәүлеккә кадәр саклана. Мондый эшкәртүләрне ветберләшмә врачлары урынга барып башкаралар. Авыл җирлекләре башлыклары моның өчен безгә заявка бирергә тиешләр.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: