Чирмешән урманчылыгында Яңа ел чыршысын бизәделәр дә
Чирмешән урманчылыгы Яңа ел чыршысы утларын районда беренче булып кабызды.
Район үзәгендәге башка оешмалар да үз территорияләрен бизи башладылар: чыршылар урнаштыралар, сыннар ясыйлар, гирляндалар эләләр.
Районда быел да «Яңа елга иң яхшы бизәлгән территория һәм мәйданчык» бәйгесенә старт бирелде, ул 15 декабрьгә кадәр дәвам итә. Аңа 17 декабрьдә Яшьләр мәйданчыгында Үзәк чыршыны ачу тантанасында йомгак ясалачак.
Җиңүчеләрне «Авыл җирлекләре арасында Яңа ел бәйрәменә иң яхшы бизәлгән мәйданчык»; «Район үзәгендәге оешмалар арасында Яңа ел бәйрәменә иң матур бизәлгән мәйданчык» номинацияләрендә бүләкләргә җыеналар.
Иң элек Яңа ел мәйданчыкларының оригинальлегенә, яңалыкка, ут белән бизәлешкә һәм сәнгати якын килү дәрәҗәсенә, кар сыннар, боз шәһәрчекләре булу-булмауга һәм башкаларга игътибар биреләчәк.
Җиңүчеләргә район башкарма комитетының Рәхмәт хатлары һәм кыйммәтле бүләкләр тапшыру каралган.
Гөлсирә Шәрифуллина фотолары
Следите за самым важным и интересным в Telegram-каналеТатмедиа
Нет комментариев