Чирмешәннең яшьгвардиячеләре Анапа шәһәрендә укып кайттылар

12нән 21 августка кадәр Анапа шәһәрендә "Яшь Гвардия" Бөтенроссия иҗтимагый оешмасы активының укулары үтте.

Әлеге чарада Чирмешән бүлекчәсеннән "Яшь Гвардия"нең җитәкчесе Алинә Нуртдинова, җитәкче урынбасары Ирек Нуртдинов һәм активист Любовь Лупановалар катнашты.

-Укуларның максаты "Территория Смыслов" Бөтенроссия форумында катнашып алынган яңа технологияләргә өйрәнү, муниципаль берәмлекләрдә эшчәнлекнең яңа методларын тормышка ашыру һәм оешманың 2018 елга юл картасын төзү иде, - ди Алинә Нуртдинова. -Уку программасының беренче көне командаларны оештыруга багышланды. Калган көннәрдә яшьгвардиячеләр кыйммәтләр ориентирлары, мотивация өстендә эшләделәр. Программаның иң зур блогы проектлар менеджментына багышланган иде.