Булышучылар күп

Краснодар краендагы Крымск шәһәрендә су басудан зыян күрүчеләргә безнең районнан да ярдәм итүчеләр булды.

Кармыш, Лашман, Түбән Кәминкә, Иске Үтәмеш, Туймәт, Түбән Кармалка, Иске Кади, Бәркәтә, Шешминка, Ивашкино, Күтәмә, Мордва Афонькәсе авыл җирлекләрендә азык-төлек, урын-җир һәм башка әйберләр җыеп, кабул итү пунктына тапшырдылар.

Ульяновка, Иске Котыш, Чирмешән авыл җирлекләре Советлары Краснодар краена акча күчерделәр.

Бу изге эшкә шәхси эшмәкәрләр Булат Латыйпов, Рәсимә Гатауллина, илдар Җамалтдинов һәм район оешмалары: "Безнең Чирмешән" газетасы редакциясе, район кулланучылар җәмгыяте һәм "Россельхозбанк"ның район офисы да үз өлешләрен керткәннәр.

106нчы һөнәр училищесында урнашкан кабул итү пунктына аерым кешеләр дә кирәк - ярак әйберләр китергәннәр.