16 апрельгә һава торышы
Бүген, 16 апрельдә, Татарстанда тотрыксыз һава торышы көтелә, температура күтәрелүен дәвам итәчәк.
Иртән һәм көндез урыны белән, күбесенчә төбәкнең төньяк-көнбатышында һәм төньягында, яңгыр явачак.
Секундына 6-11 метр тизлектә исүче көньяк-көнбатыш җиле вакыт узу белән юнәлешен төньяк-көнбатышка үзгәртәчәк. Көндезге сәгатьләрдә ул кайбер урыннарда 15-18 метрга кадәр көчәячәк (ТР башкаласында – 15 метрга кадәр).
Бофорт шкаласы буенча, тизлеге 13,9 дан 17,1 м/с ка кадәр булган җил нык дип атала, ә 17,2 дән 20,7 м/с ка кадәр булган җил бик нык дип атала.
Чагыштырмача җылы төннән соң (+4тән +9 градуска кадәр) һава температурасы 15-20 градуска кадәр күтәреләчәк.
Следите за самым важным и интересным в Telegram-каналеТатмедиа
Нет комментариев