Бәркәтә Сабан туена рәхим итегез!

Кадерле авылдашлар, райондашлар, якташлар!

2017 елның 16 июлендә сәгать 11дә барыгызны да Бәркәтәгә -"Авыл көне"нә көтәбез. Бәйрәм Сабантуй мәйданында үтәчәк.

Бәйрәм уңаеннан иң биек пешкән авыл ипиенә һәм иң матур чигелгән сөлгегә бәйгеләр игълан ителә. Анда һәркем катнаша ала.

Программага: ат чабышы, колгага менү, капчык сугышы, капчык киеп йөгерү, аркан тартышу, милли көрәш, кәҗә саву, җеп эрләү, миннек бәйләү һәм башка кызыклы уеннар кертелгән.

Татар эстрадасы артисты, юморист Ирек Зарипов ( Яр Чаллы) ике җырчысы белән, шулай ук авыл үзешчәннәре бәйрәмне онытылмаслык итәчәк.

Барыгызны да "Авыл көне"нә көтеп,

бәйрәмебезнең иганәчеләре һәм Бәркәтә авыл җирлеге Советы.