Иренеп тормый

Ләйсән Сруртдинова "Лашман АГРО" хуҗалыгында сыер савучы булып ике ел гына эшләсә дә, үзен яхшы яктан күрсәтеп өлгергән.

Ләйсән беренче тапкыр бозаулаган яшь сыерларны карый. Аның группасында 33 баш сыер һәм ул аларның барысын да үзе бозаулатып, савым аппаратларында савуга өйрәткән. Яшь терлекче бозауларны да үзе карый икән, бер эшкә дә иренми.

"Әлегә кадәр сыер сауганым булмады,- ди Ләйсән. - Хәзер инде бу эшкә өйрәндем, күнектем. Кайда да булса эшләргә кирәк бит. Эш хакын ай саен биреп торалар. Хуҗалык җитәкчесенә рәхмәт, башка үтенеч белән мөрәҗәгать итсәң дә, гел ярдәм итәргә тырыша".