"ЧИРМЕШӘНАГРО"да һәр гектардан 53 центнер уңыш җыялар
Сишәмбе көнгә район хуҗалыкларында 4493 гектар мәйданнан (тиешленең 12 процентыннан) игеннәр суктырып алынган. Район авыл хуҗалыгы һәм азык-төлек идарәсеннән алынган мәгълүматлар буенча, "БИО АГРО" җәмгыятендә бу күрсәткеч - 675 гектар (тиешленең 28 проценты), Сөлчә"дә - 305 (21 процент), "ЧИРМЕШӘНАГРО"-да - 510 (17 процент), "Күтәмә АГРОфирмасы"нда - 420 ( тиешленең 18...
Сишәмбе көнгә район хуҗалыкларында 4493 гектар мәйданнан (тиешленең 12 процентыннан) игеннәр суктырып алынган.
Район авыл хуҗалыгы һәм азык-төлек идарәсеннән алынган мәгълүматлар буенча, "БИО АГРО" җәмгыятендә бу күрсәткеч - 675 гектар (тиешленең 28 проценты), Сөлчә"дә - 305 (21 процент), "ЧИРМЕШӘНАГРО"-да - 510 (17 процент), "Күтәмә АГРОфирмасы"нда - 420 ( тиешленең 18 проценты).
Уракка "ҮтәмешАГРО"җәмгыяте дә матур гына кереште, тиз, көйле эшлиләр.
Уңдырышлылык буенча, "ЧИРМЕШӘНАГРО" җәмгыяте алда, бу хуҗалыкта гектарыннан 53,1 центнер уңыш алалар. "Лениногорск АГРОфирмасы"нда гектар көче -41,7, "Камалов И.Р." крестьян-фермер хуҗалыгыңда - 41, "Күтәмә АГРОфирмасы"нда - 31, "Сөлчә"дә 30 центнер тәшкил итә. Район буенча исә гектар көче 28,8 центнер.
Район хуҗалыкларында көзге чәчү өчен җир эшкәртү дәвам итә. Бу уңайдан "БИО АГРО" җәмгыятендә, Нурлат аграр техникумы филиалында, "Әккәрәй"дә, "Серендеев Н.И.", "Камалов И.Р." крестьян-фермер хуҗалыкларында өлгеррәк эшлиләр.
Район башлыгы Фердинат Дәүләтшин әйтүенчә, уҗым бодае чәчүне тизләтү сорала, арыш чәчү өчен дә көннәр әйбәт. Шәхси хуҗалыкларны салам белән тәэмин итү турында да онытмаска иде. Гомумән, азык әзерләүне дәвам итәргә кирәк.
Кичә "ЧИРМЕШӘНАГРО" игенчеләренә район агитбригадасы концерт күрсәтте, рухи азык өләште. Артистларыбыз башка хуҗалыкларга да чыга, кыр эшләренә барыбызның да өлеше керергә тиеш.
Следите за самым важным и интересным в Telegram-каналеТатмедиа
Нет комментариев