Чирмешән районы хуҗалыкларында эскертләр күбәя, базлар тула

Районның авыл хуҗалыгы предприятиеләрендә 7500 тонна чамасы, ягъни планлаганнан бер ярым тапкыр күбрәк печән хәстәрләгәннәр.

"Сөлчә"дә бу төр азык тиешледән 38 тапкыр диярлек күп - 2084, "Камалов И.Р." җәмгыятендә - 665, "Кара Чишмә"дә 560 тонна ук әзерләгәннәр.

Сенаж запаслары 14 мең тоннага якын (планлаганның 66 проценты) . Бу күрсәткеч көн саен уртача 900 - 1000 тоннага үсә.

"Сөлчә" , "Ильхан", "ЧИРМЕШӘНАГРО" сенаж салуда башкалардан яхшырак эшлиләр. "Әккәрәй", "ҮтәмешАГРО", "ЧИРМЕШӘНАГРОхезмәтләре" буенча терлек азыгы азрак әле, темпны көчәйтү зарур.Шәхси хуҗалыкларда, район авыл хуҗалыгы һәм азык - төлек идарәсендә тупланучы мәгълүматларга караганда, 18 мең тоннадан күбрәк печән хәстәрләнгән. Бу өлкәдә Түбән Кәминкә, Яңа Элмәле, Иске Кади, Туймәт авыл җирлекләре буенча аеруча яхшы эшлиләр.