Грант акчасына – трактор

Татарстан Республикасы авыл җирлекләренә грантлар бирү буенча республика конкурсы йомгаклары буенча аны Лашман һәм Күтәмә авыл җирлекләре отты.

Грант 2013 ел йомгак­­лары буенча бирелгән. Конкурска район этабында җиңеп чыккан дүрт авыл җирлеге (Күтәмә, Лашман, Бәркәтә, Түбән Кәминкә) эшен тәкъдим итә. Рес­публика буенча җиңү яулаган 104 авыл җирлеге арасында безнекеләрнең дә булуы куанычлы. Үткән ел мондый грантны Ивашкино һәм Ульяновка авыл җирлекләре откан иде.

-Без бу акчага сабаны, кар чистарту, печән чабу җайланмалары белән "Беларусь" тракторы алырга ниятләп торабыз, - ди Лашман авыл җирлеге башлыгы Рәвхәт Фәттахов. - Үзебезнең техника булса кышын юллар чистарту проблемасы да нык җиңеләер.