Чирмешән районында басуларның 37 процент өлешеннән игеннәрне суктырганнар

Әлеге бүләкләрне механизаторларга район башлыгы Рамил Айбатов иген басуларына барып тапшырды. 1000 тоннадан күбрәк икмәк суктырган якташларыбыз: “Әккәрәй” җәмгыятеннән Петр Сипатров, Вячеслав Макаров, Олег Охотников, “БИО-АГРО”дан Рәмзил Гарифуллин, Марс Сәйфетдинов, Марсель Нигъмәтуллин, Рәмис Нигъмәтуллин, Илнур Садриев шундый кызыксындыру чарасына ия булдылар.

• Район авыл хуҗалыгы һәм азык-төлек идарәсеннән 13 августка алынган мәгълүматлар буенча, район хуҗалыкларында игеннәрне урып-җыю эшләре 7656 гектарда башкарылгын, бу – тиешленең 37 проценты. Уңдырышлылык уртача 43,8 центнер тәшкил итә. Бу күрсәткечнең иң югарысы әлегә исә “Әккәрәй” җәмгыятендә – 51,4 центнер.

“БИО-АГРО”да бөртеклеләрне суктыруны төгәлләп үк киләләр. “Әккәрәй”, “ЧИРМЕШӘНАГРО” җәмгыятләрендә дә бу яктан өлгер эшлиләр. Аларда комбайннар барлык басу мәйданнарының яртысыннан узган.

ФОТОРЕПОРТАЖ