Чирмешән районында 296 кеше «Җиңү диктанты» язды

Диктант язучыларга Бөек Ватан сугышы тарихына кагылышлы 25 сорау бирелгән иде.

- Дөресен әйтим, биремнәр ансат түгел: мәктәптә укыганнар инде онытылган, кайберләрен бөтенләй өйрәнмәдек. Шулай да барлык сорауга да җавапларны яздым. Бөек Ватан сугышы хакындагы белемне тагын да арттырырга, күбрәк китаплар укырга, интернетта да “казынырга” кирәк дип кайттым.  Тарихны, халкыбыз батырлыгын, үткәнебезне белергә кирәк, - диде Чирмешән лицеендагы мәйданчыкта  диктант язган район үзәк китапханәсе китапханәчесе Оксана Сафиуллина.

- Районда “Җиңү диктанты” мәктәпләрдәге ун  мәйданчыкта: Чирмешәндә,  Кармышта, Лашманда, Әккәрәйдә, Туймәттә, Яңа Элмәледә, Күтәмәдә, Ульяновкада оештырылды. Акция сәгать 12дә башланып, 45 минут дәвам итте, - диде “Җиңү диктантын” язуның муниципаль координаторы Наталья Киричук.      

Марат Гомәров фотолары