Ивашкино мәдәният йортында республика программасы нигезендә капиталь ремонт үткәрелә. Бинаны төзекләндерү өчен 8 миллион сумга якын акча каралган. Төзүчеләр эшкә керешкәннәр дә.
– Мәдәният йортының түбәсен яңартачаклар, тәрәзәләрен, ишекләрен алмаштырачаклар, җылылык системасын яңабаштан үткәрергә тиешләр, су һәм канализация дә кертү каралган, - ди Ивашкино авыл җирлеге башлыгы Никонор Ефимов.- Билгеле, бинаның эче дә заман таләпләре буенча яңа төс алачак.
Сүз уңаеннан, мәдәният йорты бинасы 1975нче елны төзелгән булган, соңгы тапкыр монда 2005нче елны зур ремонт ясаганнар.
Автор фотосы
"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.
Нет комментариев