Чирмешәндә әтисе белән ике баласы юл һәлакәтенә юлыкканнар
“Кояшлы” балалар ял лагере юлы белән Чирмешән уңаена хәрәкәтләнүче “Нива” автомашинасы юл кырыена төшеп китә. Аның йөртүчесен һәм ике баланы Әлмәт больницасына озатканнар.
-Ул кызу тизлек белән барып идарәне югалткан. Бәхеткә пассажирлары - ике бала исән-сау, җиңелчә җәрәхәтләр генә алганнар, аларны махсус креслода һәм каеш белән каптырылган булулары коткарган, ә менә балаларның әтиләре - машина йөртүче кулын имгәткән, аңа медицина ярдәме күрсәтелә. Зинһар, машиналарыбызда кызу йөрмик, ашыкмыйк, әнә нинди хәлләр булырга мөмкин, бәла аяк астында, дип юкка әйтмиләр - ди районның ЮХИДИ бүлекчәсе баш дәүләт инспекторы Рәмис Шәкүров.
Рәмис Шәкүров фотолары
Следите за самым важным и интересным в Telegram-каналеТатмедиа
Нет комментариев