Юл хәрәкәте
Чирмешән юлында Утыз Имән кешесенең гомере өзелгән
Чирмешәннән Казанка уңаена бару юлында ике автомашина бәрелешеп, һәлакәттә пассажир хатын-кызның гомере өзелгән. Фаҗига иртәнге алтылар тирәсендә була. Чирмешәннән чыккан "Шевроле-Нива" автомашинасын йөртүче, нык кызу барып, "Уңга куркыныч борылыш" юл билгесе торган урында, (чистарту корылмаларыннан арырак), каршы юлга чыга һәм алдан килүче "алтылы"ны бәрдерә. -Дүрт кеше утырган әлеге "Жигули"ның алда...
Чирмешәннән Казанка уңаена бару юлында ике автомашина бәрелешеп, һәлакәттә пассажир хатын-кызның гомере өзелгән.
Фаҗига иртәнге алтылар тирәсендә була. Чирмешәннән чыккан "Шевроле-Нива" автомашинасын йөртүче, нык кызу барып, "Уңга куркыныч борылыш" юл билгесе торган урында, (чистарту корылмаларыннан арырак), каршы юлга чыга һәм алдан килүче "алтылы"ны бәрдерә.
-Дүрт кеше утырган әлеге "Жигули"ның алда утырган пассажиры - машина йөртүченең әнисе, Утыз Имән авылыннан 43 яшьлек хатын-кыз алган имгәнүләрдән район үзәк больницасында җан бирде. Анда китерелгәндә ул аңында, сөйләшерлек иде әле, - ди район ЮХИДИ бүлекчәсе инспекторы Рәмис Шәкүров. - Икенче пассажир - яшь егетнең бәрелүдән кулы сына, машина йөртүче үзе башын имгәтә. Аларга медицина ярдәме күрсәтелде. "Шевроле-Нива" йөртүчесе исә юлга алкоголь кулланган килеш чыгуын таныды. Аның исәнлегенә зыян булмаган.
"Жигули"да утыручылар бу көнне Лениногорский шәһәренә ата-аналар җыелышына барырга дип юлга чыкканнар. Нефть техникумында бергә белем алучы ике егет (берсе Иске Элмәледән) җыелышка әниләрен утыртып барулары була.
Автор фотолары.
Следите за самым важным и интересным в Telegram-каналеТатмедиа
Нет комментариев