Безнең Чирмешән
  • Рус Тат
  • Чирмешән районында бер тракторчыны кулга алырга мөмкиннәр

    ЮХИДИ хезмәткәрләре район юлларында исерек хәлдә трактор белән идарә иткән ике йөртүчене ачыклаганнар. Аларның берсенең “права”сы бөтенләй юк икән.

    9 июньдә, авылларда Сабан туе үткән көнне автоинспекторлар Кара Чишмә авылы янындагы олы юлда трактор туктаталар. Документларын тикшергән вакытта йөртүчесенең исерек булуы ачыклана, өстәвенә правасы да юк икән. Кагыйдә бозучы – Лениногорск районы кешесе үз гаебен таныган. Хәзер аңа 30 мең сум штраф, яисә 10 тәүлектән 15 тәүлеккә кадәр кулга алыну яный, анысын суд хәл итә.

    Ә менә икенче көнне тикшерелгән Ивашкино авылы тракторчысының правасы булган: тракторга да, машина йөртергә дә, тик аларның икесеннән дә колак кагар шәт. Чөнки ул да руль артына шулай ук аек булмаган хәлдә утырган. Йөртүче таныклыгыннан мәхрүм калудан тыш, тракторчы 30 мең сум штраф та түләячәк.

    Автор фотосы.

    Нравится
    Поделиться:
    Комментарии (0)
    Осталось символов: